مالقيت ياصاحب خبر ينقال ..........ولا نبي نكتب ضن واحتمال
وكان قلت ناس الخير ولوا اقلال...وصاير عددهم هالزمان اشويه
اتجني اردود امسجله في الحال ..........وفر كلامك ياخبيث النيه
وكان قلت عيشتنا فأحسن حال ..........والامن طيب والعباد تقيه
بعض العباد يقولك مازال ........مغمض وراضي بالخطا والسيه
اتقي فعين الشمس بالغربال......... وتسقي فشجرة ميته مش حيه
لكن اردود اليوم بالاعمال ............ورجال في وقت اللزوم وفيه
وياوطن رانك في الحشى والبال..........والروح لنك يابلاد هديه
انموتوا عليك اجيال بعد اجيال..........وتبقى جبالك والرمال نقيه
لا يدنسك غازي ولا دجال ...... ولا يكون شعبك للطغات رعيه
ليست هناك تعليقات:
إرسال تعليق