كلمات في رثاء الشاعر ((سي محمد بوسيف))
عليه رحمة الله
رحل سي محمد ماختار رحيل ،، لكن أقدار وحان يوم وفاته
عليه في القلوب اليوم حزن ثقيل ،، راجل مليح وناسنا فقداته
احبابه وناسه فاقدين الحيل ،، وجعهم رحيله مر ماقدراته
لكن عطانا الله شي بديل ،، بشر الصابر في مصيبه جاته
كأنه رجع لله وافي الكيل ،، يعطيك من عزمه ومن بركاته
ويالله تعطي هله صبر جميل ،،ينسوا مصيبة في الظﻻم خذاته
معاه زوز من خيرة شباب الجيل،،بيهم اقدر مسجلة جماعته
أقدار واكدة مش قابلة تعديل ،،فيها المكان وعادة خطواته
وحبل النجاة موﻻي بيه كفيل،،ينجي وليده واﻻقدار حماته
تكسر ولكن في الحياة تأجيل،،مازال عمره واﻻقدار رعاته
وهكي الحياة تعطيك بالتفصيل،،قصة عزيز وناسنا دفناته
معروف حب الناس ليه دليل،،كأنك ذكرته يمدحوا صيفاته
مع الحق مايقبل عليه يميل،،أصحاب الحوايج يعرفوا وقفاته
ﻻيحب ﻻفي القال ﻻفي القيل،،ﻻهو منلي يضحكوا بشماته
شاعر كﻻمه حق مش تطبيل ،،وعنده اردود مسجله شهرأته
فيها معاني ومعرفه وتحليل،،وكلمة الحق يقولها بثباته
على طبع هلنا مارضى تبديل،،اللي بعض منا هازمان نساته
الله يرحمه وعنه التراب يشيل،،ويسكنه الفردوس في جناته
وأحفظ عربنا من طوارق ليل،،وأقبل اللي يدعي على نياته
رافع يديه وجاد في التوسيل ،،برحمتك تقبل رجاء دعواته
تهدي الشباب يعدلوا في السير،،ويفكروا في الجري وحكاياته
حتى مسافة والطريق طويل،،اركز ونجري جري فيه ثباته
وصلوا على المختار بالتطويل ،،وماتغفلوا وتنقصوا في صﻻته
كيف ما أمر الله في التنزيل ،،صﻻة طيبه خاسر اللي فاتاته
ليست هناك تعليقات:
إرسال تعليق